सुपरस्टार अभिनेता यश कुमार के नयकी फिल्म ‘इत्तेफक’ के ट्रेलर आजु रपचिक यूट्यूब से रिलीज हो गइल बा. फिल्म के ट्रेलर के मुताबिक कहानी सात समुंदर के पार भोजपुरिया लोग से जुड़ल बा। खूबसूरत अभिनेत्री आर्षिया आर्शी के ग्लैमरस लुक भी एहमें देखे के मिलेला.
ITTEFAQ (इत्तेफाक ) | Official Trailer #Yashkumarr #Shubhisharma #Arshiyaarshi |नई भोजपुरी फिल्म:
रोचक कहानी पर आधारित फिल्म बनावे वाली सुपरस्टार अभिनेता यश कुमार के नई फिल्म 'इत्तेफाक' के ट्रेलर आजु रपचिक यूट्यूब से रिलीज हो गइल बा।
फिल्म के ट्रेलर के मुताबिक कहानी सात समुंदर के पार भोजपुरिया लोग से जुड़ल बा। फिल्म के प्लॉटिंग भी जबरदस्त बा अवुरी इ फिल्म कमर्शियल रूप से भी फिट बा, जवना के निर्माता बालेश जैन अवुरी स्वाति झाब बाड़े। एह फिलिम के निर्देशन अजय श्रीवास्तव कइले बाड़न जे भोजपुरी बॉक्स ऑफिस पर बहुते सुपरहिट फिलिम दे चुकल बाड़न.
फिल्म ‘इत्तेफक’ के सेट लंदन में भइल बा बाकिर एकरा कहानी का बारे में यश कुमार कहलन कि ई फिलिम शुद्ध भोजपुरी ह आ भोजपुरिया दर्शकन के खूब मनोरंजन करे वाली बिया.
अगर हमनी के फिल्म ‘इत्तेफाक’ के ट्रेलर के बात करीं जा त फिल्म के ट्रेलर 3 मिनट 48 सेकंड के बा। फिल्म के कहानी एक दो से शुरू होला जेकर बेटी यानी शुभी शर्मा के बियाह लंदन में रहे वाला एगो लइका यश कुमार से होखे वाला बा.
बाकिर बीच में एगो मोड़ आ गइल बा आ यश कुमार के लंदन के लइकी आर्षिया आर्शी से प्यार हो जाला. एह दुनु के बीच यश कुमार केकरा से बियाह करीहें ई जाने खातिर भोजपुरिया दर्शकन के एह फिलिम के रिलीज के इंतजार करे के पड़ी. बाकिर ई तय बा कि ई फिलिम बहुते मनोरंजक होखे वाली बिया आ दर्शन अपना गीतन आ संवाद में डूबल ना रह पइहें.
बता दीं कि फिल्म ‘इत्तेफाक’ के निर्माण कैप्टन म्यूजिक कइले बा. एह फिलिम में यश कुमार, शुभी शर्मा आ आर्षिया आर्शी का अलावे अमित शुक्ला, अयाज खान, संजय वर्मा आ अनूप अरोड़ा के मुख्य भूमिका बा. फिल्म के कहानी, पटकथा आ संवाद सुरेंद्र मिश्रा लिखले बाड़न जबकि कार्यकारी निर्माता अनिल कुमार सिंह बाड़न. फिल्म के फोटोग्राफी के निर्देशक प्रमोद पाण्डेय हउवें आ संगीत छोटे बाबा के बा जबकि कोरियोग्राफर सेवकमेव लाल गुप्ता हउवें.
Comments
Post a Comment